Билайн техподдержка казахстан номер телефона

Үйден шықпай-ақ Beeline клиенті болыңыз: 

1.     «Менің Beeline-ым (Қазақстан)» қосымшасын жүктеңіз
2.     «Beeline абоненті болу» пернесін шертіңіз
3.     «Beeline нөмірін сатып алуды» таңдаңыз 
4.    Нұсқаулыққа сай әрекет етіңіз

Өзіңіз үшін ең керемет нөмірді тауып, қолайлы тарифті таңдай аласыз, содан соң SIM-картаны, оның ішінде eSIM-ді алу жолын таңдайсыз.

Сондай-ақ нөмірді біздің кеңседен немесе дилерлерден алуға болады. 

Оған қоса, бізде теңгерімінде с 5 000 ₸ және «Менің Beeline-ым» қосымшасын орнатуға арналған 500 МБ бар бастапқы жиынтық — Online SIM бар. Егер Online SIM алсаңыз: 

1.    SIM-картаны смартфонға салыңыз
2.    «Менің Beeline-ым» қосымшасын жүктеңіз
3.    Қосымшада «Кіру» пернесінің жанындағы QR-сканерді шертіңіз
4.    Бастапқы жиынтықтың қорабындағы QR-кодты сканерлеңіз
5.    Нөмірді, тарифті таңдап, SIM-картаны іске қосу үшін, нұсқаулық бойынша әрекет етіңіз

Сұрақтарыңыз бар ма немесе көмек керек пе? Бізге кез келген уақытта хабарласыңыз. Контактілеріміз мына жерде.

Нөміріңізді айырбастағыңыз келмей ме? Beeline-ға өз нөміріңізбен ауысыңыз! 

MNP (Mobile Number Portability) технологиясымен Сіз операторды ауыстыра аласыз, нөміріңіз сақталады. Нөміріңіз ауысқаны туралы жақындарыңызға ескерту және әлеуметтік желілерде, банкингтерде және басқа қосымшаларда оны ауыстыру қажет болмайды. 

Beeline клиенті болу оп-оңай: 

1.    «Менің Beeline-ым (Қазақстан)» қосымшасын жүктеңіз
2.     «Beeline абоненті болу» пернесін шертіңіз
3.     «Өз нөміріммен ауысуды» таңдаңыз 
4.    Тарифті және SIM-картаны алу жолын таңдау үшін, нұсқаулыққа сай әрекет етіңіз

Ауысу туралы толық ақпарат мына жерде. 

Сондай-ақ, нөмірді көшіруге біздің кез келген кеңседе немесе дилер нүктесінде өтініш бере аласыз.  Жеке куәлігіңізді немесе төлқұжатыңызды ала баруды ұмытпаңыз.

•    Нөмірді Beeline-ға көшіру үшін не керек?
1. Нөмір Сіздің ЖСН-іңізге тіркелген болуы керек. Тіркеуді *835# (Tele2, Altel, Jusan Mobile) немесе *562# (Kcell, Activ) пәрменімен тексеріңіз. Егер тіркеудегі ЖСН Сіздікі болмаса, операторыңыздан деректерді жаңартуды сұраңыз. 
2. Операторды соңғы ауыстырған сәттен бастап 60 күннен көп уақыт өтуі керек. Егер нөміріңізді бір оператордан екіншісіне жақында ауыстырсаңыз, біраз күн күтіңіз де, тағы бір рет өтініш беріңіз.  
3. Қазіргі операторыңызға қарызыңыз болмауы керек. Егер қарызыңыз болса, оны қайтарыңыз. 

•    Қанша тұрады?
Нөмірді көшіру тегін, бірақ тариф жоспарына және SIM-картаға (таңдаған түріне қарай) төлеу керек болады. 

•    Көшіру туралы не білу керек?
1.    Жауап берілмей қалған қоңыраулар туралы SMS біраз уақыт Сізге келмейді. Техникалық себептерге байланысты, «Хабардар бол» қызметін қолдана алмайсыз. Біз бұл мәселені шешіп жатырмыз. 
2.    Біраз уақыт 1414 нөмірінен және eGov-тан SMS келмейді. Егер Сізде сондай қиындық болса, өзіңізге ыңғайлы кез келген жолмен бізге хабарласыңыз. Немесе eGov-қа хабарласып нөміріңізді Мобильді азаматтар дерекқорында қайта тіркеуін өтініңіз.

• «Менің Beeline-ым» қосымшасында. Онда Сіз теңгерім туралы ақпаратты біліп қана қоймай, нөміріңізді басқара аласыз. Қосымшаны жүктеңіз, авторизациядан өтіңіз және жайлылықтан ләззат алыңыз. 
• Пәрмендермен. *102# немесе *111# пәрменін теріп, қоңырау шалу пернесін басыңыз да, ақпаратты құрылғыңыздың бейнебетіне алыңыз.
• Қысқа нөмірмен. 0697 пәрменін теріп, теңгерім туралы ақпаратты тыңдаңыз.

• Банк картасымен. Сіз картаңызды «Менің Beeline-ым» қосымшасына тіркей аласыз немесе оны  beeline.kz сайтында қолдана аласыз. Оның интернетте сатып алу функциясы ашық болуы керек. 

Теңгерімді картадан толтыру шектеулері:

• Qiwi, Касса24 және басқа төлем терминалдарында нақты ақшамен. Комиссия терминалға байланысты.
• Банк қосымшаларында. Ол үшін мобильді банкингіңізді ашып, қызметтерге төлеуді таңдаңыз да, Beeline теңгерімін толтыруды көрсетіп, нөмір мен төлем сомасын көрсетіңіз. Лимит пен комиссия банкке байланысты.
• Beeline-ның кез келген кеңсесінде. Баратын уақытыңызды брондаңыз және өзіңізге ыңғайлы кез келген кеңседе теңгерімді комиссиясыз толтырыңыз.

Назар аударыңыз! Beeline теңгеріміне 4 000 000 ₸ артық сома салынбайды.
 

Шұғыл қоңырау шалу керек кезде теңгерімді толтыруға мүмкіндік жоқ па?

*141# пәрменімен «Сенім төлемін» алыңыз. Теңгеріміңізді 3 күнге 2000  теңгеге дейін толтырамыз. Комиссия 20%, ең кемі 20 теңге. Қызмет туралы толық ақпараты мына жерде.

Теңгерімді толтырғанда, ақшаны басқа нөмірге салып жібердіңіз бе? Уайымдамаңыз – бәрін түзейміз.
Қаражатты дұрыс нөмірге қайтару шарттары:

• Сіз ақша салған қате нөмір Beeline желісінде болуы керек. Егер басқа оператордың нөмірін толтырсаңыз, төлеген жеріңізге немесе теңгерімі толтырылған нөмірдің операторына хабарласуыңыз керек. 
• 3 және одан цифрға қателессеңіз ғана ақша қайтарылады.
• Толтырылған сома жұмсалп кетпеуі керек. Егер соманың бір бөлігі жұмсалып кетсе, қалдығы ғана қайтарылады (қате нөмірде қарыз болып, сома қарызды қайтаруға жұмсалса, қалғаны қайтарылады).
• Егер сома толық жұмсалып кетсе, қаражат қайтарылмайды. 
• Қате төлем аударылуы тиіс дұрыс нөмір тіркелген болуы тиіс.   

Егер барлық шарт сақталса, қаражатты келесі жолдармен қайтаруға болады:

1. Сall-орталығы арқылы. 116 нөміріне қоңырау шалыңыз. Түбіртек қолыңызда болсын: біздің кеңесші операцияның күні мен уақытын, толтырым сомасын, серіктестің атауын және түбіртектің фотосын сұрайды. 
2. Beeline кеңсесінде. Жеке басыңызды куәләндыратын құжат және төлем түбіртегі қолыңызда болуы керек.   

Маңызды! Қаражатты қайтару үшін, төлем жасалған сәттен күнтізбелік 30  күннен кешіктірмей Beeline call-орталығына немесе кеңсесіне хабарласуыңыз керек (мысалы, теңгерімді 25 шілдеде толтырсаңыз, 24 тамызға дейін хабарлассаңыз ғана қаражат қайтарылады). Ағымдағы айдың соңғы екі күні кірмейді, мұндай жағдайда ақша келесі айдың соңына дейін қайтарылады.
 

Beeline теңгерімін толтырдыңыз, бірақ қаражат түспеді ме? Келіңіз, мәселені бірге шешейік: 

1. Егер толтырған сәттен 24 сағат өтпесе, төлеген жеріңізге хабарласыңыз. Серіктес ұйымдардың контактілері толтырған кезде берілген түбіртекте көрсетіледі. Егер теңгерімді банк арқылы толтырсаңыз, банктің call-орталығына хабарласыңыз.
2. Егер толтырған сәттен бастап 24 сағаттан көп өтсе, 116 нөмірі арқылы бізге қоңырау шалыңыз. Түбіртек қолыңызда болсын: біздің кеңесші операцияның күні мен уақытын, толтырым сомасын, серіктестің атауын және түбіртектің фотосын сұрайды. Мәселеңіздің шешімін 3 күнде айтамыз.

Әділ пайдалану саясаты техникалық мүмкіндіктер мен ҚР қолданыстағы заңнамасын ескере отырып, барлық клиентіміздің сапалы ұялы байланыс пен интернетті қолданудағы тең құқықтарын қорғауға мүмкіндік береді. Әділ пайдалану саясаты Жария шарт шеңберінде әрекет етеді.

Интернетке бір уақытта бірнеше клиент қосылса немесе кейбір клиент орташа статистикалық көрсеткіштен асатын трафик көлемін пайдаланса, желіге қосымша жүк түседі. Ол бәрінің мобильді  интернет жылдамдығын азайтады. 

Жылдамдықты азайту – желіге жүктемені тең бөлуге мүмкіндік береді. Әділ пайдалану саясаты бойынша, жүктеме тым жоғары сәттерде жылдамдық барлық клиентте немесе интернет-трафикті шамадан тыс көп қолданатын кейбір клиентте азаюы мүмкін.

Біз барлық клиентке, дауыстық қоңырауға бірдей қосылу мүмкіндігін ұсынамыз. Бірақ кейбір қолданушы желіге артық жүк түсіріп, басқа қолданушыларда дауыстық байланыс сапасын нашарлатуы мүмкін. Қосымша жүктеме дегеніміз – дауыстық трафикті орташа статистикалық тұтыну мөлшерінен айтарлықтай артық пайдалану (мобильді байланысты жеке мүддеден тыс қолдану, мысалы, колл-орталықтарын ұйымдастыру, конференц-байланыстарды тым көп қолдану, қоңырауларды күткізу және(немесе) қайта бағыттау және әділетсіз қолданудың басқа да белгілері). Әділ Пайдалану саясаты бойынша осы санаттағы қолданушыларда дауыстық қоңырау шалу шектелуі мүмкін.

Қаражаттың, минуттар мен гигабайттың шығынын нақты күні мен уақытына дейін «Менің Beeline-ым» қосымшасында тегін көріңіз.

Есепшот түрлері

• Нақты кезеңдегі шығын
• Байланыс қызмет түрлеріне кеткен шығын: минуттар, SMS, MMS, трафик, ойын-сауық сервистері

Қолдану жолы

1. «Менің Beeline-ым» қосымшасын орнатып, авторизациядан өтіңіз
2. Экранның төменгі жағындағы «Шот есебі» бөліміне өтіңіз
3. Есебін көргіңіз келетін кезеңді таңдаңыз

Білгеніңіз маңызды

• Қосымшада соңғы 9 айдағы ақпарат сақталады.
• Бір ретте ең көбі 90 күннің есебін көруге болады. Яғни, Сізге соңғы 7 айдың есебі керек болса, оны бірнеше рет жүктеу керек болады.
• Келген қоңыраулар туралы ақпарат 3-күні ғана көрсетіледі.
• Ұзақтығы нөлге тең кез келген қоңырау (қоңырау шалуға талпыну, қабылданбаған қоңыраулар, жауап берілмеген қоңыраулар, жасырын нөмірден келген қоңыраулар) шот есебінде көрсетілмейді.

«Менің Beeline—ымда» шот есебін тек электронды нұсқада алуға болады, жүктеу мүмкін емес.

Қаражаттың, минуттар мен гигабайттың шығынын нақты күні мен уақытына дейін Жеке кабинетте тегін көре аласыз.

Есепшот түрлері

• Нақты кезеңдегі шығын
• Байланыс қызмет түрлеріне кеткен шығын: минуттар, SMS, MMS, трафик, ойын-сауық сервистері

Қолдану жолы

1. beeline.kz сайтындағы Жеке кабинетте тіркеліп, авторизациядан өтіңіз
2. «Шот есебі» бөлімінде есебін көргіңіз келетін кезеңді таңдап, «Көрсетіңіз» пернесін басыңыз

Білгеніңіз маңызды

• Жеке соңғы 9 айдағы ақпарат сақталады.
• Бір ретте ең көбі 62 күннің есебін көруге болады. Яғни, Сізге соңғы 7 айдың есебі керек болса, оны бірнеше рет жүктеу керек болады.
• Келген қоңыраулар туралы ақпарат 3-күні ғана көрсетіледі.
• Ұзақтығы нөлге тең кез келген қоңырау (қоңырау шалуға талпыну, қабылданбаған қоңыраулар, жауап берілмеген қоңыраулар, жасырын нөмірден келген қоңыраулар) шот есебінде көрсетілмейді.
• Жеке кабинетте шот есебін тек электронды нұсқада алуға болады, жүктеу мүмкін емес.

Қаражаттың, минуттар мен гигабайттың шығынын тегін «Шот есебін SMS түрінде алу» қызметімен қадағалаңыз.

Қолдану жолы

1. *802# пәрменін теріңіз
2. Соңғы 10 транзакция және тарифіңіздің сипаттамасының сілтемесі бар SMS-ті күтіңіз

Білгеніңіз маңызды

• Тәулігіне ең көбі 30 сауал жібере аласыз.
• Есепте соңғы 10 күндегі деректер ескеріледі. Егер осы уақытта ешқандай ақылы қызметті қолданбасаңыз, теңгеріміңіз туралы ақпарат пен тарифіңіздің сипаттамасының сілтемесін аласыз.
• Қызметті ҚР аумағындағы және роумингтегі алдын ала төлем жүйесінің абоненттері қолдана алады.
• Телефоныңыз көлемі үлкен хабарламаларды қабылдай алуы керек.

Интернет үшін алынған ақы есепте бір тәуліктікі жинақталып көрсетіледі.

Сіз шот есебін Beeline кеңселерінің бірінен тегін ала аласыз.  

Қолдану жолы

1. Beeline-ның жақын жердегі кеңсесін табыңыз
2. Жеке куәлігіңзді/төлқұжатыңызды ала келіңіз
3. Бекітілген үлгідегі өтінішті кеңседе толтырыңыз
4. Шот есебін жүктеу сілтемесін күтіңіз, оны электронды поштаңызға жібереміз

Білгеніңіз маңызды!

• Сіз екі жылдан ерте емес кез келген 6 айдың есебін ала аласыз.
• Келген қоңыраулар туралы ақпарат 3-күні ғана көрсетіледі.
• Ұзақтығы нөлге тең кез келген қоңырау (қоңырау шалуға талпыну, қабылданбаған қоңыраулар, жауап берілмеген қоңыраулар, жасырын нөмірден келген қоңыраулар) шот есебінде көрсетілмейді.

Қазақстанда мобильді байланысы бар кез келген құрылғы міндетті түрде тіркелуі керек. Ол «Байланыс туралы» ҚР заңына сәйкес (36-2-бап) енгізілген. Жеке тұлғалардың құрылғылары ЖСН немесе төлқұжат нөміріне тіркеледі:

• ҚР резиденттеріне — ЖСН, мобильді нөмір және құрылғының IMEI (нөмірі) коды.
• Бейрезиденттерге (шетел азаматтарына) — төлқұжат нөмірі, мобильді нөмір және құрылғының IMEI коды.

Мобильді телефондар, планшеттепр, модемдер, SIM-карталары бар сағаттар тіркелуі тиіс, М2М құрылғылар мен роумингтегі мобильді құрылғылар тіркелмейді.

Толық ақпарат мына жерде.

Нөмір қандай жағдайда жойылады
Егер Сіз нөмірді 12 ай бойы қолданбасаңыз, ол жойылады. Қолданбау — демек қоңырау шалмау және қоңырау қабылдамау, SMS жібермеу және қабылдамау, интернетке шықпау. Бұл ереже  Жария шарттың 9.6-тармағында бекітілген. Бұл ретте нөмірдің бұрынғы иесіне, жойылған сәтте теңгерімде болған соманы қайтаруға 3 жыл беріледі.

Өз нөміріңіді қайтару жолы
Кейбір жағдайда, бұрын жойылған нөмірді қалпына келтіре аласыз. Ол үшін, өзіңізге ыңғайлы жолмен бізге хабарласыңыз. Біздің кеңесшілер қалыпна келтіру мүмкіндігін тексереді. Егер жойылған нөмірді қалпына келтіруге мүмкіндік болса, нөмірдің иесі жеке куәлігін алып, біздің кез келген кеңсеге келуі керек. Қалпына келтіру құны 600 теңге + бастапқы жиынтықтың құны.

Маңызды! Егер жойылған нөмір бұрын Beeline-ға басқа оператордың желісінен ауыстырылса, қалпына келтіру мүмкіндігін тексеру үшін, нөмірдің бастапқы операторына хабарласу керек.

SIM-карта жоғалды ма немесе телефонды уақытша қолданбайсыз ба? Сіз нөмірді тегін бұғаттай аласыз.

Жоғалғанда және ұрланғанда:

Beeline-ның Клиенттерді қолдау орталығына қоңырау шалыңыз немесе кеңсеге жолығыңыз.

•    Нөміріңіз 3 күнге бұғатталады.

•    Сізге жоғалған нөмір тіркелген адамның жеке куәлігінің деректерін айту керек болады.

Өз қалауыңызбен бұғаттау:

Beeline кеңсесінде бұғаттауға болады.

•    Қалаған уақытыңызға бұғаттай аласыз, бірақ бұғатталған сәттен бастап Сіздің атыңызда бір жыл ғана болады.

•    Нөмірдің иесі жеке куәлігін немесе төлқұжатын алып келсе ғана нөмірді бұғаттауға болады.  

Маңызды! SIM-картаны бұғаттан босатқан соң, нөмірде қосылған тариф пен қызметтердің абоненттік төлемі алынады.  

Сіздегі «Өзің жаса», «Жарқын» немесе «Шексіз» тарифінде орын көп. Қосымша нөмірлерді қосып, тарифіңізде бар болса, интернетті, SMS пен минуттарды бөлісіңіз!

Жақындарыңыздың байланыста болуына көмектесіңіз немесе гаджеттермен өміріңізді жеңілдетіңіз – бәріне бірақ төлеңіз!

Толық ақпарат келесі сілтемеде

Бір қоңырауға бір уақытта 6 адамға дейін қос. Конференц-байланыс бір қоңырауға тиісті адамдарды – әріптестерді, достарды немесе туыстарды қосу үшін жасалған. Конференц-байланыс қызметі үшін қоңырау соққан адам ғана өз тарифтік жоспарына сай төлейді, конференц-байланысқа қосылған басқа жандарға конференц-байланыс қызметі тегін.

Конференцияны қалай жасауға болады?

1. Бірінші адамға қоңырау шал;
2. Телефон экранында «Қоңырау қосуды» бас та, екінші адамға қоңырау шал. Бірінші адам «желіде күту» режимінде болады;
3. Екінші адам жауап берген соң, телефонда «Біріктіру» пернесін бас та, бәрін бір қоңырауға жина;
4. Конференц-қоңырауда әңгімелеріңіз жарассын!
5. Конференц-байланыс қызметін роумингте қосу мүмкін емес

Конференц-байланысқа адамдарды кім қоса алады?

• Конференц-қоңырауға қатысып тұрған кез келген адам жоғарыдағы нұсқаулық бойынша басқа адамды қоса алады.

Ескерту: телефон үлгісіне қарай, нұсқаулық басқаша болуы мүмкін.

Өз ұялы телефоныңызға маңызды қоңырау қабылдай алмайсыз, бірақ қоңырауды жіберіп алғыңыз келмей ме? «Қоңырауды қайта бағыттауды» баптаңыз.
Бұл қызмет келген қоңырауларды Beeline басқа нөмірлерге, немесе басқа операторлардың нөмірлерге, немесе қалалық телефон нөмірлеріне аударуға мүмкіндік береді. Қызмет роумингте қолжетімді. 

Қоңырауды қайта бағыттау тәртіптерін орнату: 

Барлық қоңырауларды бағыттау: **21*қаланың коды/телефон нөмірі#, мысалы **21*+7727ххххххх#. Өшіру ##21#

Телефон бос болмаған кездегі қоңырауларды бағыттау: **67*қаланың коды/телефон нөмірі#, мысалы **67*+7776ххххххх#. Өшіру — ##67#

Телефон сөндірулі болған кездегі қоңырауларды бағыттау: **62*қаланың коды/телефон нөмірі#, мысалы **62*+7776ххххххх#. Өшіру — ##62#

Сіз қоңырауға жауап бермеген кездегі қоңырауларды бағыттау: **61*қаланың коды / телефон нөмірі*таңдалған уақыт аралығы#, мысалы **61*+7776ххххххх*10#. Өшіру — ##61#

Жауап бере алмай қалған кездегі қоңыраулар туралы SMS алу үшін, +7 705 9077000 нөмірін көрсетіңіз. 

Қоңырауды қайта бағыттау тәртібінің дұрыстығын тексеру үшін, мына құрамдастырымды енгізіңіз: *#қайта бағыттау коды#

Барлық қайта бағыттауды өшіру үшін ##002# пәрменін теріңіз.

Қызмет Beeline-ға басқа операторлардан тасымалданған нөмірлерде қолжетімсіз.

Роуминг — нөміріңізді және байланыс қызметтерін Қазақстаннан тыс жерде қолдану мүмкіндігі. Яғни шетелде Сізге басқа ұялы байланыс операторының жаңа нөмірін сатып алу керек болмайды.

Ештеңе істеудің қажеті жоқ. Байланысты қолдануды бастасаңыз болды, роуминг өздігінен қосылады.
Егер роуминг өздігінен қосылмаса, тегін *120*600# пәрменін теріңіз.
Құрылғыңыз тиісті желіні өзі таңдайды да, Сізге сәлемдесу хабарламасы келеді.

Роумингтегі тарифтер жән қызметтердің (мин, ГБ, SMS) құны Қазақстан аумағындағы тарифтерден бөлек. Әдепкі тариф жоспарыңыз роумингте істемейді.  

Барған еліңізге қарай, роумингтегі әдепкі тариф:

Назар аударыңыз! Роумингте келген қоңыраулар да тарифтеледі.

Сапарға шығар алдында теңгерімді кемінде 10000 теңгеге толтыруды ұсынамыз.

Сіз баратын еліңізді таңдап, роумингтің қолайлы тарифін мына бетте таңдай аласыз.

Теңгерімді толтырудың бірнеше жолы бар:

• «Менің Beeline-ым» қосымшасында немесе Жеке кабинетте қазақстандық кез келген банктің  картасымен
• қазақстандық кез келген банктің  қосымшасында, «Төлемдер» бөлімінде
• жедел-төлеу карталарымен (оны сапарға шығар алдында сатып алуды ұмытпаңыз)
•  «Сенім төлемі» қызметімен теңгерімге қарыз қаражат алу арқылы

«Менің Beeline-ым» қосымшасын жүктеңіз, авторизациядан өтіңіз де, нөміріңізге қатысты барлық ақпараттан хабардар болыңыз. Қосымшаны роумингте қолданғанда трафик шығындалмайды.

Маңызды! Қосымшаны жүктеу трафигі роумингтегідей тарифтеледі. Қазақстанда жүргенде, қосымшаны орнатып алуға немесе Wi-Fi желісін пайдалануға кеңес береміз. Сіз болжанбаған қомақты шығындардың алдын аласыз.

Егер Сіз Қырғызстан, Өзбекстан, Ресей немесе Қытай шекарасына жақын тұрсаңыз, смартфоныңыз көрші елдің желісіне өздігінен қосылуы мүмкін.

Ол күтпеген шығындарға алып келуі, қоңырау шалу, SMS және интернетке қосылу роумингтегідей тарифтелуі мүмкін.

Ондай шығындардың алдын алу үшін, келесі жолдардың бірімен роумингті өшіріп қойыңыз:

• Ұсынылатын жолы: *120*601# пәрменін теріңіз.

Бұғат алынғанға дейін роумингті қолдана алмайсыз, бірақ Сізге роуминг туралы SMS-хабарландыру келіп тұрады. Келешекте шетелге шықсаңыз, *120*600# пәрменімен бұғатты оп-оңай алып тастайсыз.

• Қосымша жолы: *120*801# пәрменін теріңіз.

Нөміріңізде роуминг толық өшіріледі. Егер келешекте шетелге шыққанда, роумингіңіз өшіп тұрса, Қазақстанға келмей бұғатты шеше алмайсыз. 

«Менің Beeline-ым» – бұл қосымшадан біздің барлық қызмет пен өнімді таба аласыз.   

Оның көмегімен Сіз қол жеткізетін мүмкіндіктер:

• Тарифті басқару
• Мобильді теңгерімді толтыру
• Шығындарды қадағалау
• Қызметтерді қосу және өшіру
• гигабайттарды сыйлау және айырбастау
• узнавать последние новости Beeline-ның соңғы жаңалықтарын білу
• көптеген ойын ойнау
• және басқалары

Трафик шығындалмайды. Тіпті роумингте де J

Google Play немесе AppStore ресурсына кіріңіз, «Менің Beeline-ым (Қазақстан)» қосымшасын тауып, орнатыңыз да, өз нөміріңізбен тіркеліңіз.   

Назар аударыңыз! Қосымшаны жүктегенде, трафик тариф жоспарыңыздың шарттарына сәйкес шығындалады.

Интернетті баптамас бұрын, теңгерімде қаражат және тариф ГБ-сы бар екеніне көз жеткізіңіз.

Android жүйесіндегі телефоныңызда интернетті еш қиындықсыз баптау үшін, біздің роликті көріңіз.

Немесе төмендегі нұсқаулықты пайдаланыңыз (баптаулар мәзірі әртүрлі телефонда әртүрлі):

Смартфон баптауларын ашыңыз:

1. Егер смартфоныңыз екі SIM-картаны немесе eSIM технологиясын қолдаса, SIM-карталар диспетчерінде интернетке қосылуға Beeline-ды таңдаңыз. Басқа жағдайда бұл бапқа мән бермеңіз.
2. «Қосылу» мәзіріне өтіңіз.
3.  «Мобильді желілерді» ашып, «Қосылу нүктесі» / «APN» бабын таңдаңыз.
4. «+» немесе «Қосылу нүктесін қосу» бабын таңдаңыз.
5. Келесі параметрлерді жазыңыз:

Қосылу нүктесінің аты: Beeline Internet

Қосылу нүктесі (APN): internet.beeline.kz.

Басқа деректерді толтырудың қажеті жоқ.

1. Жасалған қосылу нүктесін сақтап, оны өздігінен таңдалатын етіп белгілеңіз.
2. «Мобильді желілер» мәзіріне қайтып, автоматты режимді таңдаңыз (LTE/WCDMA/GSM)

Дайын! Смартфонды қайта жүктеу ғана қалды, содан соң Beeline-ның шапшаң интернетінен ләззат алыңыз.

Егер осыдан соң интернет істемесе, өзіңізге ыңғайлы кез келген жолмен бізге хаьарласыңыз. Біздің кеңесшілер Сізге міндетті түрде көмектеседі.

Интернетті баптамас бұрын, теңгерімде қаражат және тариф ГБ-сы бар екеніне көз жеткізіңіз.

iOS жүйесіндегі телефоныңызда интернетті еш қиындықсыз баптау үшін, біздің роликті көріңіз.

Немесе төмендегі нұсқаулықты пайдаланыңыз:

1. «Ұялы байланыс» бөліміне өтіңіз.
2. Егер смартфоныңыз eSIM технологиясын қолдаса, «Ұялы байланыс тарифтеріне» өтіп, Beeline-ды таңдаңыз. Басқа жағдайда бұл бапқа мән бермеңіз.
3.  «Мәліметтерді жолдаудың ұялы байланыс желісін» ашыңыз.
4. «Ұялы байланыс деректері» бөлімінде тек APN бабын толтырыңыз: internet.beeline.kz
5. Алдыңғы мәзірге қайтып, «Деректер параметрлерін», содан соң «Дауыс және деректерді» ашыңыз.
6. 4G желісін таңдаңыз.

Дайын! Смартфонды қайта жүктеу ғана қалды, содан соң Beeline-ның шапшаң интернетінен ләззат алыңыз.

Егер осыдан соң интернет істемесе, өзіңізге ыңғайлы кез келген жолмен бізге хаьарласыңыз. Біздің кеңесшілер Сізге міндетті түрде көмектеседі.

Мобильді интернеттің жылдамдығына әсер ететін негізгі факторлар:

Желінің жүктемесі. Кейде қарбалас сағатта мобильді интернеттің жылдамдығы азаюы мүмкін. Яғни бір базалық станцияға көп смартфон бір уақытта қосылған сағаттарда.   

Тұрған жері, құрылыс, метеожағдай. Ауа райы қолайсыз болса немесе таулы жерде жүрсеңіз немесе металлы көп құрылыстың қасында тұрсаңыз, жылдамдық азаюы мүмкін.  

Смартфоныңыздың стпаттамасы. Бір жерде тұрған әртүрлі телефонда мобильді интернет жылдамдығы әртүрлі болуы мүмкін. Оған операциялық жүйе, смартфонның процессоры мен модемі, 3G/4G/5G желісін қолдауы әсер етуі мүмкін. Құрылғыңыздың сипаттамасын өндірушіден кез келген уақытта біле аласыз.

Әділ пайдалану саясаты. Шексіз интернеттің кейбір қолданушысында, тарифте қарастырылған шапшаң трафик шегіне жеткенде, қосылу жылдамдығы азаюы мүмкін. Ол жүктемені желіге тең бөліп, Beeline-ның барлық абонентіне сапалы интернетке қосылу мүмкіндігін ұсыну үшін қажет.

Егер Сізде интернет жылдамдығы жиі төмендей берсе және ол тұрған жеріңізге, ауа райы мен тәулік уақытына байланысты болмаса, құрылғыңызды қайта жүктеп көріңіз. Егер ол да көмектесепесе, өзіңізге ыңғайлы жолмен бізге хабарласыңыз. Біздің кеңесшілер Сізге міндетті түрде көмектеседі.

Дана — біздің виртуалды кеңесші. Дана — робот. Ақылды робот, ол біздің қызметтер туралы бәрін біледі. Beeline байланысына қатысты мәселелеріңізді шешуге көмектеседі. 24/7 режимінде хабарласыңыз, біздің Дана мүлде шаршамайды. Оның сайтымыздың оң жақ төменгі бұрышынан таба аласыз.

Біздің тәулік бойы жұмыс істейтін call-орталығымызға қоңырау шалуыңызға болады. Кеңесшілеріміз Beeline байланысы мен «Үйдегі интернет» қызметіне қатысты кез келген мәселеңізге көмектесуге дайын.   

Beeline мобильді байланысына қатысты сұрақтармен:

116 нөміріне қоңырау шалыңыз. Beeline мобильді нөмірінен қоңырау шалу тегін.

Егер бізге қалалық нөмірден қоңырау шалғыңыз келсе, төмендегі нөмірлерге қоңырау шалыңыз. Назар аударыңыз, қоңыраудың құны байланыс провайдеріңіздің тарифтеріне байланысты.

•   Ақтөбе қаласы және облысы: +7 (7132) 921 200

•   Алматы қаласы және облысы: +7 (727) 3 500 500, +7 (727) 3 500 600 (Алматы қаласының тұрғындарына)

•   Астана және Ақмола облысы: +7 (7172) 738 738 (Астаны қаласының тұрғындарына); +7 (7162) 910 007 (Көкшетау қаласының тұрғындарына)

•   Атырау қаласы және облысы: +7 (7122) 930 005

•   Қарағанды қаласы және облысы: +7 (7212) 922 111 (Қарағанды қаласының тұрғындарына)

•   Жезқазған және Ұлытау облысы: +7 (7102) 915 050 (Жезқазған қаласының тұрғындарына)

•   Павлодар қаласы және облысы: +7 (7182) 770 010

•   Петропавл қаласы және Солтүстік Қазақстан облысы: +7 (7152) 631 010

•   Тараз және Жамбыл облысы: +7 (7262) 923 030

•   Орал қаласы және Батыс Қазақстан облысы: +7 (7112) 960 096

•   Өскемен қаласы және Шығыс Қазақстан облысы: +7 (7232) 492 000 (Өскемен қаласының тұрғындарына);

•    Семей қаласы және Абай облысы: +7 (7222) 556 565

•   Шымкент қаласы және Түркістан облысы: +7 (7252) 984 949

«Үйдегі интернет» қызметіне қатысты мәселелермен:

3131 нөміріне қоңырау шалыңыз. Қазақстандағы барлық мобильді нөмірден қоңырау шалу тегін. Егер бізге қалалық нөмірден қоңырау шалғыңыз келсе, төмендегі нөмірлерге қоңырау шалыңыз. Назар аударыңыз, қоңыраудың құны байланыс провайдеріңіздің тарифтеріне байланысты.

• +7 (7172) 73 8181 — Астананың қалалық нөмірлерінен;

+7 (727) 35 000 35 — Алматының қалалық нөмірлерінен.

Біздің кеңселер мен салондарда Сізді қуана қарсы аламыз.

Сол жерлерде Beeline-ға ауысуыңызға немесе SIM-картаны ауыстыруыңызға, жаңа тариф қосып, шотты толтыруыңызға, жаңа смартфон сатып алуыңызға немесе Beeline байланысына қатысты барлық сұрақ бойынша кеңес алуыңызға болады.

Өзіңізге ыңғайлы мекенжайды таңдаңыз, кезек брондаңыз (брондамасаңыз да болады J) және келіңіз!

*100# — қызметтердің бірыңғай мәзірі 

*166# — тарифтік жоспарды білу

*102# — теңгерім туралы ақпарат 

*106# — тарифтік жоспарлардағы бонустардың қалдығын тексеру 

*225# — хабарламалар тілін таңдау  (сондай-ақ *100# арқылы да хабарламалар тілін таңдай аласыз)

*122# — интернет-трафиктің теңгерімі туралы ақпарат 

*160# — өз телефон нөміріңді білу  

*166# — тарифтік жоспардың параметрлері туралы ақпарат 

*179# — қосылған қызметтердің тізімін тексеру 

*802# — соңғы он ақылы ұсталым туралы тегін шағын-есеп 

*835# — нөмір кімге тіркелгенің білу

BeeTV – заманауи онлайн-телевизия. Қосыңыз да, кез келген ТВ-арнаны, фильмдер мен телехикаяларды кез келген құрылғыдан көріңіз.

Көруді бастау жолы

1. Қосымшаны құрылғыға (смартфон, ТВ-жалғама немесе SmartTV) жүктеңіз немесе https://beetv.kz сайтын ашыңыз
2. Телефон нөміріңізбен тіркеліңіз
3. Ұнаған жазылымыңызды қосыңыз немесе BeeTV Free-де тегін контентті көріңіз  

ЕгерBeeline абоненті болсаңыз

• Контент көргенде, мобильді трафик шығындалмайды

Егер смартфонды модема режимінде қолдансағыз, ТВ-арналарды көргенде ғана трафик шығындалмайды

• Жазылымға мобильді теңгерімнен төлей аласыз

Егер басқа ұялы байланыс операторының абоненті болсаңыз

• Контент көргенде, мобильді трафик тариф жоспарыңыздың шарттарына сәйкес шығындалады
• Қосымшада банк картаңызды тіркеп, жазылымға төлей аласыз.  

Beeline абоненті болсаңыз

1. BeeTV қосымшасында авторизациядан өтіңіз
2. «Аккаунттарға» кіріңіз
3. «Жазылымдар» бөлімін ашыңыз
4. Тиісті жазылымды таңдап, «Өшіру» пернесін басыңыз

Жазылым сол сәтте өшіп, Сізге SMS-хабарлама келеді.

Басқа ұялы байланыс операторының абоненті болсаңыз
Жазылымды қосымшалар дүкенінде өшіре аласыз.

Смартфоныңыз iOS жүйесінде болса:

1. App Store-ға кіріңіз
2. Оң жақ жоғарғы бұрыштағы белгіңізді/аватарыңызды шертіңіз
3. Жазылымдарды басқару» бөліміне өтіңіз
4. Өшіргіңіз келетін жазылымды таңдаңыз
5. «Жазылымды өшіру» пернесін шертіп, әрекетіңізді растаңыз

Смартфоныңыз Android жүйесінде болса:

1. PlayMarket-ке кіріңіз
2. «Төлемдер мен жазылымдарды» таңдаңыз
3. «Жазылымдар» бөліміне өтіңіз
4. Өшіргіңіз келетін жазылымды шертіңіз
5. «Жазылымнан бас тартуды» басыңыз

Сіз START және BeeTV Free жазылымдарының контентін смартфоныңызға сақтап, оларды интернет жоқ кезде де көре аласыз. 3 күнге дейін көруге болады.

Смартфоныңыз Android жүйесінде болса:

1. BeeTV қосымшасын ашыңыз
2. Оң жақ жоғарғы бұрыштағы  таңбасын шертіп, мәзірге кіріңіз
3.  «Жүктелгендерді» таңдаңыз
4. «Баптаулар» белгісін басыңыз   
5. Қаласаңыз, жүктелетін видеоның сапасын өзгертіңіз және жүктеу желісін таңдаңыз
6. START және BeeTV Free жазылымында сақтағыңыз келетін видеоны табыңыз
7. белгісін шертіңіз
8. Сақталған видеоны табу үшін, «Жүктелгендер» бөліміне өтіңіз

Смартфоныңыз iOS жүйесінде болса:

1. BeeTV қосымшасын ашыңыз
2. Оң жақ төменгі бұрыштағы «Тағы»    пернесін шертіп, мәзірге кіріңіз
3. «Жүктеулерді» таңдаңыз
4. «Баптаулар»   белгісін басыңыз
5. Қаласаңыз, жүктелетін видеоның сапасын өзгертіңіз және жүктеу желісін таңдап, тез жүктелуі үшін, «Жүктеу кезінде ұйықтама» белгісін қойыңыз
6. START және BeeTV Free жазылымында сақтағыңыз келетін видеоны табыңыз
7. белгісін шертіңіз
8. Сақталған видеоны табу үшін, «Жүктелгендер» бөліміне өтіңіз.

13.12.2018 жылғы №18022428 лицензия негізінде әрекет ететін «КаР-Тел» жауапкершілігі шектеулі серіктестігі (ары қарай – Оператор), осы шарттарға сай Қызметтерді қолдануды қалайтын тұлғаларға (ары қарай  – Абонент) телевизия хабарларын тарату қызметін ұсынады. Оператор мен Абонент осы шарттардың шеңберінде «Тараптар», ал жеке-жеке – «Тарап» деп аталады.

Телерадио хабарларын тарату қызметтерін ұсыну туралы осы жария шарт (ары қарай мәтін бойынша — Шарттар) Қазақстан Республикасы Азаматтық кодексінің (Жалпы бөлім) 27.12.1994 жылы шыққан 395-бабына сай, жеке тұлғаларға арналған жария шарт – оферта (ары қарай — Оферта) болып табылады. Абоненттің өтініш жіберу арқылы Қызметті қосуға қатысты әрекеттерді жасауы (соның ішінде Қызмет ақысын төлеуі және оны қолдануы) Абоненттің осы Шарттармен келісетінін (қабылдайтынын) білдіреді және Абоненттің осы Шарттармен толық, әрі даусыз келісуі (Офертаны құптауы) ретінде саналады.

1. Осы Шарттың мәні
   1. Осы шарттар бойынша Оператор Абонентке теле-, радио хабарларын тарату (ары қарай мәтін бойынша – Қызметтер) қызметтерін ұсынады, ал Абонент Қызмет нәтижесін қабылдауға және олардың ақысын төлеуге міндеттеледі.
   2. Осы шарттардың шеңберінде Оператор Абонент белгілеген/таңдаған теле-, радиоарналар топтамасын таратады, Абонент Оператор тағайындаған төлемді төлеп, Қызметті қосқан соң, оларды көре алады.
   3. Абонент Қызметтерді Сервиске жазылу және оны ұсыну ережелеріне сай қосады, әрі өшіреді. Абоненттерді қосу нұсқаулығы Beeline.kz сайтында жарияланған.
   4. Осы шарт белгісіз мерзімге жасалады.

1. Тараптардың құқықтары мен міндеттері
   1. Абонент құқылы:
      1. Осы Шарттар бойынша Қызметтерді тиісті түрде және дәл уақытында алуға;
      2. Қызметтерді ұсынудың жаңа шарттарымен келіспеген жағдайда, біржақты тәртіппен шартты бұзуға;
      3. тарифтік жоспарын Оператордың тізіміндегі тарифтік жоспарға ауыстыруға.
   2. Абонент міндетті:
      1. Осы Шартқа сай ұсынылған Қызметтердің ақысын төлеуге;
      2. Қызметтеррді қолдану барысында осы Шарттарды, сондай-ақ Оператордың ішкі актілерінде бектіліген басқа талаптарды, техникалық шарттарды, Қызметтерді қолдану ережелерін, сонымен қатар Қазақстан Республикасының қолданыстағы заңнама нормаларын сақтауға;
      3. Қызметтерді коммерциялық мақсаттарда қолданбауға, яғни оларды табыс табу мақсатында үшінші тұлғаларға телерадио хабарларын тарату қызметтерін көрсету үшін қолданбауға, сондай-ақ шоғырсым арқылы немесе басқа жолмен жұртшылыққа көрсетпеуге, жария түрде орындамауға, эфир арқылы жұртқа хабар таратпауға, соның ішінде жалпылама мәліметті жеткізбеуге;
      4. мәртебесінің, мекенжайының, байланыс деректерінің немесе Қызмет көрсетуде айтарлықтай маңызы бар басқа да мәліметтерінің өзгергені туралы, аталған өзгерістер орын алған сәттен бастап 5 (бес) жұмыс күні ішінде Операторға жазбаша түрде хабарлауға. Осы тармақ сақталмаса, барлық жауапкершілік Абонентке жүктеледі; 
      5. осы шарттардағы құқықтары мен міндеттерін Оператордың жазбаша келісімінсіз үшінші тұлғаларға бермеуге;
      6. Оператор ұсынған Қызметтерді, сондай-ақ телекоммуникация желілерін және (немесе) қондырғыларын құқыққа қайшы мақсаттарда, соның ішінде үшінші тұлғалардың өміріне, денсаулығына және (немесе) мүлкіне зиян тигізу мақсатында қолданбауға;
      7. Оператор ұсынған телекоммуникация желілерін және (немесе) қондырғыларын телерадио хабарларын тарататын басқа операторлардың қызметтерін ұсыну мақсаттарында қолданбауға.
      8. Абонент Оператордан уақытша қолдану шартымен Қондырғы алса, Шарт бұзылған жағдайда, оны ақаусыз, жұмысқа жарамды күйде қайтаруға. Егер Абоненттің қондырғыны қайтаруға мүмкіндігі болмаса, Абонент оның толық құнын Операторға өтейді.
   3. Оператор құқылы:
      1. Қызметтерді тиісті түрде және дәл уақытында көрсету мақсатында Қазақстан Республикасының қолданыстағы заңнамасына сай, Абонент міндетті түрде сақтауы тиіс басқа да талаптарды, техникалық шарттарды, Қызметтерді қолдану ережелерін бекітуге;
      2. Абонент осы шарттардың ережелерін (соның ішінде осы шарттарда қарастырылған төлемдерді төлеу ережелерін), техникалық шарттарды және (немесе) талаптарды бұзған жағдайда, сертификатталмаған қондырғыларда қолданса, сондай-ақ профилактикалық және жоспарлы жұмыстар кезінде, апатты жағдайларда, я болмаса жеке және заңды тұлғалардың өміріне, денсаулығына және (немесе) мүлкіне зиян тию қаупі туындаса, Қызмет көрсетуді тоқтатуға немесе шектеуге;
      3. Болжалды өзгеріс енгізілетін күннен 10 (он) күнтізбе күні бұрын, ал тарифтердің өзгерісіне қатысты болса, болжалды өзгеріс енгізілетін күннен 30 (отыз) күнтізбе күні бұрын Абонентке хабарлай отырып, Қызмет көрсету шарттарын біржақты тәртіппен тағайындауға және (немесе) өзгертуге (соның ішінде, бірақ онымен шектелмей: теле-, радио арналары тізімін өзгертуге, тарифтер мен төлемдер көлемін өзгертуге). Хабарлама Абонентке тиісті ақпаратты бұқаралық ақпарат құралдарында, Оператордың Интернет-ресурсында, төлем шоттарында және т.с.с. жариялау арқылы жеткізіледі. Осы тармақта қарастырылған тәртіппен тиісті ақпарат жарияланған сәттен бастап, тарифтердің өзгеретіні туралы Абонентке тиісті түрде хабарланды деп саналады
      4. Келесі жағдайларда Абонентпен осы Шартқа отырудан бас тартуға:
         1. Қызмет көрсету мемлекеттің қауіпсіздігі мен қорғаныс қабілетіне, адамдардың денсаулығына немесе қауіпсіздігіне қауіп төндіруі мүмкін болса;
         2. физикалық, топографиялық немесе басқа да табиғи кедергілердің салдарынан қызмет көрсету мүмкін болмаса немесе Абонент орналасқан жерде техникалық мүмкіндік болмаса;
         3. Абоненттің техникалық құралдары осы қондырғының техникалық талаптарына сай болмаса;
         4. Оператор лицензиясының жарамдылық мерзімі тоқтаса.
   4. Оператор міндетті:
      1. осы Шарттарға сай Қызметтерді Абонентке көрсетуге;
      2. Қызмет сапасы нашарлаған жағдайда (техникалық ақаулық және т.б.), ол туралы Абонент мәлімдеген сәттен бастап 48 (қырық сегіз) сағат ішінде туындаған ақаулықты жоюға. Ақаулықтарды жою кезіндегі Қызметтердің ақысы жалпы тәртіппен есептеледі;
      3. Қызметті қауіпсіз ұсынуды қамтамасыз ететін материалдарды (тетіктерді, құрылымдарды) және қондырғыларды қолдануға;
      4. 24 (жиырма төрт) сағаттан аспайтын уақытқа профилактикалық және жөндеу-сервис жұмыстарын жүргізу қажет жағдайларды санамағанда, тәулік бойы Қызмет көрсетуге. Оператор профилактикалық және жөндеу-сервис жұмыстары жүретіні туралы профилактикалық және жөндеу-сервис жұмыстары басталатын сәттен 24 (жыирма төрт) сағат ерте уақыттан кешіктірмей Абонентке хабарлауға міндетті;
      5. осы Шарттарда қарастырылған мерзімде Қызмет көрсету шарттарының өзгергені және (немесе) профилактикалық және жөндеу-сервис жұмыстарын жүргізу қажеттігі туралы бұқаралық ақпарат құралдарында, Оператордың Интернет-ресурсында және т.б. жолдармен Абонентке ақпарат беруге.

1. Қызметтердің ақысын төлеу тәртібі
   1. Оператор Қызметтерді алдын ала төлеу негізінде көрсетеді.
   2. Оператор тарататын телеарналар топтамасының құны таңдалған тарифтік жоспарға сай есептеледі.
   3. Қызмет туралы толық ақпарат (соның ішінде, бірақ онымен шектелмей, жаңа тарифтік жоспарлар енгізілетіні және/немесе қолданыстағы тарифтік жоспарлар өзгеретіні туралы ақпарат) пен Қызмет көрсету шарттары Оператордың Интернет-ресурсында жарияланады.

1. Тараптардың жауапкершілігі
   1. Телекоммуникация желілері мен қондырғылардың жағдайы үшін жауапкершілік оларға қызмет көрсету — бөлу шекарасымен (ғимарат, қоршалған территория және т.с.с.) және (немесе) балансқа қатыстылығымен анықаталады. Бөлу шекарасына дейінгі телекоммуникация желілері мен қондырғыларды Абонент дербес және өз есебінен күтіп ұстауы, ал бөлу шекарасынан тыс жерлерде Оператордың күшімен және құралдарымен жасалуы тиіс.
   2. Қызмет көрсету барысында Оператор келесілер үшін жауап бермейді:
      1. Қондырғыларды және (немесе) көрсетілетін Қызметтерді тиісті түрде қолданбау салдарынан болған кез келген зиян, айырылып қалған пайда, адамдардың өміріне немесе денсаулығына тиген зиян үшін; 
      2. Қызметтерді ұйымдастыруға қатысатын үшінші тұлғалардың әрекеттері үшін;
      3. Абоненттің Қызметтер арқылы алынған ақпаратты қолдануға қатысты тәуекелдері үшін;
      4. Уәкілетті органдардың уақытша тыйым салуы, электр жнергиясын беруді тоқтату, атмосфералық жағдайлар мен Оператордың еркінен тыс басқа да жағдайлар нәтижесінде туындаған Қызметтерді алу үзілісі үшін.
   3. Осы шарттарда қарастырылған жауапкершілік шаралары кінәлі тарапты осы шарттар бойынша міндеттемелерін тиісті түрде орындаудан босатпайды.
   4. Тараптардың осы шарттарда қарастырылмаған жауапкершілік шарттары Қазақстан Республикасының аумағында қолданылатын азаматтық заңнаманың ережелеріне сай қолданылады.

1. Өзгерістер, Қызметтерді қосу және өшіру
   1. Абонент Қызметтерді Сервиске жазылу және оны ұсыну ережелеріне сай қосады, әрі өшіреді. Абоненттерді қосу нұсқаулығы Beeline.kz сайтында жарияланған.
   2. Осы шарттардың өзгеретіні немесе тоқтайтыны туралы Абонентке бұқаралық ақпарат құралдары, Серіктестің Интернет-ресурсы және т.т. арқылы, осы өзгеріс күшіне енуден 5 (бес) күнтізбе күні бұрын хабарланады. Тиісті хабарламада көрсетілген сәттен бастап осы Шарттар өзгерді немесе тоқтады деп саналады. Егер өзгерістер күшіне енген соң, Абонент осы Шарттардың өзгерісін қабылдаудан бас тартатынын осы Шарттардың өзгерісі жарияланған сәттен бастап 5 (бес) күнтізбе күні ішінде Оператордың мекенжайына жібермесе, сондай-ақ жаңа шарттармен Қызметтерді қолдануды және (немесе) төлеуді жалғастыра берсе, мұндай өзгерістерді Абонент қабылдады деп саналады.
   3. Келесі жағдайларда Оператор соттан тыс біржақты тәртіппен Қызметті өшіре алады:

— Абонент Оператордың Қызметтерін/Қондырғыларын Оператордың қызметіне жағымсыз әсер ететін түрде қолданса немесе Қызметтерді басқа абоненттер қолданса, соның ішінде заңсыз немесе заңға қайшы қызметтерге қолданса;

—  Абонент Қызметтердің ақысын төлеу талаптарын бұзған жағдайда;

—  Осы Шарттың талаптары бұзылған жағдайда.

                  4. START (START (СТАРТ) сервисі) сервисін пайдалану туралы Пайдаланушы келісімі «Старт.Ру» (НМТН 1177746679175, СТСН 7728374780) жауапкершілігі шектеулі қоғамымен Қызмет интерфейсі арқылы көрсетіледі: START сервисін пайдалану туралы Пайдаланушы келісімінің шарттары Интернет желісінде мына мекенжай бойынша орналастырылған https://start.ru/legal/terms_of_use. Әкімгер Тұғырнамасында START сервисін пайдалану аумағы Қазақстан Республикасы болып танылады. Пайдаланушы START сервисін осы Пайдаланушы келісімінің шарттарына қайшы келмейтін тәсілдермен пайдалануға міндеттенеді.

1.    Қорытынды ережелер
   1. Осы Шарт бойынша құқықтар мен міндеттер басқа тұлғаларға берілмейді, егер басқа жағдай Тараптардың қосымша жазбаша келісімінде айтылмаса.
   2. Осы Шартта қарастырылмаған барлық мәселе Қазақстан Республикасының қолданыстағы заңнамасымен реттеледі.
   3. Осы Шарттың орыс және қазақ тілдеріндегі мәтінінде айырмашылық анықталған жағдайда, осы Шарттың орыс тіліндегі мәтіні басымдыққа ие болады.

— Beeline ұялы нөмірін немесе Үйдегі Интернет логинын енгізу керек
— сомасын көрсетіп, «Толтыру» түймесін басу қажет.
— картадағы банктік деректерді енгізу (16 сан, жарамдылық мерзімі, айы және жылы және артқы жағында үш таңбалы код)
— 3D Secure кодын немесе картаны шығарған банктен растаудың басқа әдісін енгізу қажет болуы мүмкін
— банктен растау алғаннан кейін төлем теңгерімге аударылады.

Қазақстан Республикасының банктік карталары сәтті төлем жасалғаннан кейін автоматты түрде абоненттік нөмірге байланыстырылады.

Байланыстырылған картадан кейінгі төлем үшін:

— картаны таңдау керек
— Beeline ұялы нөмірін немесе Үйдегі Интернет логинын енгізу керек
— сомасын көрсетіп, «Толтыру» түймесін басу қажет.
— банктен растау алғаннан кейін төлем теңгерімге аударылады.

 
Бекітілген карточканы абоненттік нөмірден кез келген уақытта 

«Банк карталары»

 бөлімінде өшіріп тастауға болады.